TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Detaje të reja kanë dalë nga hetimet për atentatin e 30 qershorit në Pogradec, ku mbeti i plagosur rëndë Brian Syzo.
Pas ngjarjes së rëndë të 30-qershorit në Pogradec, ku mbeti i plagosur rëndë Brian Syzo, Policia ka vënë në pranga vëllain e autorit Nikolla Agolli, 22-vjeçarin Edison Agolli, i cili ishte shpallur në kërkim si bashkëpunëtor në krim.
Policia ka arrestuar Edison Agollin, i dyshuar si bashkëpunëtor në ngjarje, ndërsa është vënë në pranga edhe vetë 35-vjeçari Syzo për një çështje të mëparshme penale.
Burime pranë grupit hetimor bëjnë me dije se 22-vjeçari Edison Agolli, vëllai i autorit të dyshuar, u arrestua nga strukturat e hetimit të krimit në DVP Korçë, pasi ishte shpallur në kërkim pas atentatit.
Sipas hetimeve, Agolli dyshohet se ka qenë pjesë e grupit që tentoi vrasjen e Brian Syzos, së bashku me vëllain e tij dhe dy persona të tjerë. Ndaj tij rëndon akuza për “vrasje me paramendim e kryer për interes dhe hakmarrje”, e mbetur në tentativë dhe e kryer në bashkëpunim.
Hetuesit dyshojnë gjithashtu se 22-vjeçari ka vendosur një kamerë pranë IEVP Drenovë për të monitoruar lëvizjet e Brian Syzos.
Ndërkohë, Brian Syzo është arrestuar pasi Gjykata e Apelit ka lënë në fuqi vendimin e Gjykatës së Shkallës së Parë Pogradec të vitit 2023 për veprën penale “prodhim dhe shitje të narkotikëve”. Për këtë çështje, ai do të vuajë dënimin prej 3 vitesh e 4 muaj burg.
Hetimet për atentatin në Pogradec vijojnë për zbardhjen e plotë të ngjarjes dhe përcaktimin e rolit të personave të tjerë të përfshirë.
