TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ministrja e Arsimit, Lindita Nikolla gjatë emisionit ‘Tonight Ilva Tare’ ka deklaruar se nuk e përjashton si mundësi shkarkimin e rektorit të Universitetit të Tiranës, Mynyr Konit, pas përplasjes që ky i fundit ka pasur me dekanët e 4 fakulteteve.
Nikolla është shprehur se nuk do ishte herezi nëse do të shkarkonte Konin, ndërsa ka shtuar se më parë ka kërkuar edhe shkarkimin e rektorëve.
Tare: Do të kërkoni shkarkimin e rektorit?
Nikolla: Nuk është herezi të zbatosh pikën 7.
Tare: Do ta zbatoni?
Nikolla: Sigurisht që po. Nuk është kjo prirja në këtë moment. Unë jam ministrja e Arsimit që kam kërkuar shkarkimin e dy rektorëve mandatin e shkuar. Një është shkarkuar, tjetri është refuzuar nga Presidenti. Edhe kur rektori refuzonte, kam respektuar gjithë të drejtën e tij për t’u mbrojtur.
Prej disa muajsh në Universitetin e Tiranës ka pasur përplasje mes rektorit dhe dekanëve të fakulteteve, ku ata i kanë kërkuar shkarkimin e Konit ministres së arsimit.
