TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mustafa Nano ka qenë i ftuar në një lidhje direkte, në studion e lajmeve të "Tv T", ku ka folur për koronavirusin dhe veprimet e qeverisë shqiptare.
Sipas Nanos, dy ngjarjet e rënda, tërmeti dhe koronavirusi, kanë ndihmuar qeverinë të rikuperojë entuziazëm.
“Kjo qeveri ka qenë me fat se i kanë ndodhur dy tragjedi. E them këtë në kuptimin politik të fjalës. Ka krijuar mundësinë të rikuperojnë me një lloj entuziazmi si përshembull mbledhja e fondeve për tërmetin apo fakti që deri tani koronavirusi nuk ka pasur të njëjtin impakt me vendet e tjera”, tha ai.
Nano e cilëson shumë të rëndësishëm lehtësimin e masave, për t’u kthyer shkallë-shkallë në një situatë normale.
“Qeveria shqiptare po bën disa eksperimente. Por edhe qeveri të tjera, kjo sepse janë në një situatë që nuk e njohin. Mua më tremb se kjo mund të çojë në përhapjen e virusit. Por duhet liruar se duke e fikur motorin e ekonominsë nuk kemi çfarë të hamë”, tha ai.
