TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
“Mos qaj për mua Argjentina” është një nga këngët më të famshme të kënduara nga Madona! Kjo vlen për Argjentinën e Mesit sot, pas eliminimit nga Franca.
“Gjelat” triumfuan 4-3 me Argjentinën, në një ndeshje me shumë emocion dhe plotë shtatë gola dhe përmbysje epike.
Pasi goditi traversën në minutën e 9-të, Griezman i dha avantazhin Francës me një penallti të realizuar në të 13’, të fituar nga Mbape.
Barazoi me një super gol Di Maria për Argjentinën në minutën e 41-të, duke e lënë të habitur portierin Hugo Loris dhe Francën.
Me rezultatin 1-1 skuadrat shkuan në dhomat e zhvjeshjes.
Pjesa e dytë ishte një “thriller” i vertetë.
Pas zhvillimeve nga një goditje të lirë, Agjentina gjen golin e avantazhit të përkohësshëm, atë 2-1, kur gjuajtjen e Mesit e devijon për Merkado.
Pamjet televizive japin një Sampaoli në ekstazë në bankinë dhe një Diego Maradona në tribunën VIP.
Por, goli i pësuar e zgjoi Francën, që shënon tre gola rresht: Pavard me një gjuatje të bukur në të 57’, dhe dy gola në harkun e pesë minutave nga 19-vjeçari Kilian Mbape: 64’ dhe 68’.
Zëvendësusi Serxhio Aguero realizoi golin e tretë për Argjentinën në minutën e 93-të, për ta bërë atë 4-3!
Mrekulli franceze në “Kazan”, teksa Mesi i dëshpëruar i jep lamtumirën Botërorit. Franca në çerekfinale, Mesi jashtë!
/TPZ.AL/
