TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Irani beson se Izraeli dhe një grup opozitar jashtë vendit, përdorën një armë me telekomandë për të qëlluar të premten shkencëtarin e lartë bërthamor Mohsen Fakhrizadeh.
Shefi i sigurimit Ali Shamkhani tha se sulmuesit kishin “përdorur pajisje elektronike” kur makina e Fakhrizadeh u qëllua në lindje të kryeqytetit Teheran.
“Ishte një mision shumë kompleks duke përdorur pajisje elektronike. Askush nuk ishte i pranishëm në skenë” tha ai në funeral.
Si autorë të kësaj ngjarje ai veçoi grupin e opozitës iraniane të mërguar Muxhahedinët-e Khalq dhe Izraelin, shkruan BBC, përcjell abcnews.al.
Në fillim të viteve 2000, Fakhrizadeh luajti një rol vendimtar në programin bërthamor të Iranit, por qeveria këmbëngul se aktivitetet e saj bërthamore janë plotësisht paqësore.
Shkencëtari u qëllua të paktën tre herë nga arma, e cila ishte vendosur në një fuoristradë Nissan, e parkuar në krah të rrugës. Më pas makina prej nga u qëllua, shpërtheu në ajër. Irani thotë se ka identifikuar pronarin e makinës ku ishte vendosur mitralozi. Megjithatë, ekspertët thonë se vrasja ishte kaq e sofistikuar sa zbulimi i autorëve mbetet shumë i vështirë.
Shkencëtari po udhëtonte me të shoqen në makinën e tij të blinduar, kur diçka goditi makinën e tij. në Atë moment Fakhrizadeh doli nga makina për të kontrolluar se çfarë kishte ndodhur. Por kur doli nga mjeti, mitralozi i komanduar qëlloi ndaj tij. Fakhrizadeh mori tre plumba, ku dhe mbeti i vdekur në vend, ndërsa është plagosur edhe truproja i tij.
