TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Situata me plehrat në Durrës prej ditësh vijon të jetë problematike.
Me plehrat që po dekompozohen mbi trotuare dhe brenda kazanëve, situata po përfshin edhe periferinë e qytetit bregdetar.
Në një komunikim për mediat, deputeti i Durrësit Ferdinand Xhaferaj reagoi me kritika ndaj qeverisë dhe pushtetit lokal.
Ai theksoi se pastrimi i qytetit të Durrësit është kthyer në një dështim të madh për shkak të arrogancës , korrupsionit dhe paaftësisë së autoriteteve.
“Unë do të thoja që mes dështimeve të kësaj qeverie në Durrës, pastrimi i qytetit është dështim i madh. Është dështimi ku bëhet fjalë arroganca, korrupsioni dhe paaftësia.
Të gjithë jemi dëshmitarë që tre ditë më parë, u bë bashkë qeverisja qendrore dhe lokale duke e shpallur Porto Romanen emergjencë mjedisore. Erdhi edhe deputeti më i ri i Durrësit, Edi Rama dhe tha Porto Romanen do e bëjmë ‘Ecopark’.
Çfarë shohim sot, i gjithë Durrësi, është bërë si Porto Romano, i gjithë Durrësi është në emergjencë mjedisore,”-tha Xhaferaj.
