TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Të paktën 30 persona janë vrarë dhe 18 të tjerë janë plagosur pas një sulmi rus ndaj dy autobusëve të pasagjerëve në Kramatorsk, pranë vijës së frontit në lindje të Ukrainës.
Sipas prokurorisë rajonale të Donetskut, numri i viktimave nga sulmi i së enjtes ka shkuar në 30, ndërsa 18 persona kanë mbetur të plagosur. Guvernatori rajonal Vadim Fylashkin konfirmoi të njëjtin bilanc dhe njoftoi se shërbimet e transportit publik janë pezulluar.
Pamjet e publikuara nga policia tregojnë trupa të shpërndarë në një rrugë të mbushur me mbeturina, ndërsa në vendngjarje shihet edhe skeleti i djegur i një automjeti që duket të jetë një autobus. “Këta nuk janë vetëm ‘pasoja të luftës’, as shifra të ftohta. Këta janë njerëz të vrarë nga ushtria ruse”, deklaroi Fylashkin, duke akuzuar Moskën se po sjell vdekje në territorin ukrainas.
Sulmi ndodhi në një zonë që autoritetet ukrainase e konsiderojnë pjesë të “zonës së fortesës”, e cila përbën një nga shtyllat kryesore të mbrojtjes së Ukrainës në rajonin e Donetskut.
Forcat ruse kanë intensifikuar sulmet me dronë dhe bomba të drejtuara ndaj Kramatorskut dhe qyteteve të tjera në këtë zonë. Moska kërkon që Ukraina të tërhiqet nga pjesa e mbetur e rajonit të Donetskut që është ende nën kontrollin e Kievit, ndërsa autoritetet ukrainase kanë refuzuar këtë kërkesë.
Sulmi ndaj autobusëve vjen vetëm një ditë pas një vale sulmesh ajrore ruse në të gjithë Ukrainën, ku dhjetëra persona u vranë dhe objektivi kryesor ishte infrastruktura energjetike e vendit.
🔴 ALERTE INFO Guerre en Ukraine: au moins 30 morts dans des frappes russes sur des bus dans l'est du pays, Kiev également visée par des attaques https://t.co/Ib9r6XP4Nc
— BFM (@BFMTV) October 8, 2026
