TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Liverpulin nuk ka ndërmend të ndalet në këtë sezon të Premier League. Të kuqtë kanë marrë fitoren e radhës në transfertë përballë Totenhemit të Hoze Murinjo, teksa i mposhtën këta të fundit me rezultatin 0-1, falë një goli të Firminjos.
Të besuarit e trajnerit Jurgen Klop nuk kanë pësuar asnjë humbje në këtë sezon dhe tashmë titulli duket një pronë e tyre. Sa i përket ndeshjes, ajo ishte me ritëm pasi të dyja klubet kërkonin maksimumin. Të kuqtë dominuan në pjesën e parë duke krijuar shumë raste, derisa Firminjo lëvizi bukur në zonë pas një pasimi të Salah dhe finalizoi golin e vetëm të takimit.
Në fraksionin e dytë, londinezët provuan me të gjitha mënyrat por prapavija dhe portieri i Liverpul, Alison rezistuan deri në fund të 94 minutave të luajtura. Kështu, Klop triumfoi ndaj Murinjos ndërsa Liverpuli prek kuotën e 61 pikëve. Ndërkaq, Totenhemi renditet në vendin e tetë me 30 pikë, plot nëntë pikë larg zonës Champions që është edhe objektivi i klubit.
