TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas më shumë se një viti martesë dhe pas gati dy muajsh nga sjellja në jetë e fëmijë së saj të parë, një Princeshë e Dubait ka tronditur Emiratet e Bashkuara Arabe.
Sheikha Mahra bint Mohammed bin Rashid Al Maktoum, vajza e Sheikh Mohammed bin Rashid Al Maktoum, ka njoftuar divorcin nga bashkëshorti i saj, Sheikh Mana Bin Mohammed Bin Rashid Bin Mana Al Maktoum.
Një postim në llogarinë zyrtare të Sheikha Mahra Bint Mohammed Bin Rashid Al Maktoum, në Instagram, vajza 30-vjeçare e sundimtarit të Dubait, ka shpallur zyrtarisht divorcin nga burri i saj
“I dashur bashkëshort, meqë je i zënë me njerëz të tjerë, unë deklaroj divorcin tonë. Unë do të divorcoj. Kujdesu për veten. Ish-gruaja jote”, ka shkruar ajo.
Postimi i Sheikha Mahra ngjalli reagime të gjera në rrjetet sociale në mesin e ndjekësve të saj, veçanërisht sepse ajo nuk u thellua në detajet dhe arsyet e plota pas njoftimit të saj.
Të dyja palët thuhet se nuk ndjekin më njëri-tjetrin në rrjetet sociale dhe kanë hequr të gjitha fotot e përbashkëta, përfshirë fotot e dasmës së tyre, nga profilet e tyre, sipas mediave të huaja.
Çifti u martua zyrtarisht në prill 2023 dhe mirëpriti një vajzë në maj 2024. Vetëm gjashtë javë më parë, Mahra ndau një foto prekëse me vajzën e saj me mbishkrimin: Jemi vetëm ne dyja.
Nuk ka pasur asnjë deklaratë zyrtare nga Shtëpia e Maktoum, familja mbretërore që sundon Dubain dhe nga e cila vjen Sheikha Mahra. Shumë në rrjetet sociale spekuluan se llogaria e princeshës mund të ishte hakuar.
