TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kukësi ka arritur të marrë një fitore mjaft të rëndësishme në “Elbasan Arena”, duke mundur me rezultatin e pastër 4-0 skuadrën e Teutës. Në “Elbasan Arena” është zhvilluar një ndeshje disi e çuditshme, ku begdetarët kanë shkaktuar plot 3 penallti, duke ia lehtësuar punën verilindorëve.
Në minutën e 31-të, Shkurtaj ka fituar një penallti dhe e ka kthyer në gol ndërkohë që në të 67-të, ishte Abazaj ai që fitoi penallti duke e kthyer në gol sërish Shkurtaj. Në minutën e 73-të, Abazaj ka dalë i vetëm përballë portierit duke realizuar golin e tretë ndërkohë në minutën e fundit Et’hemi ka vulosur me golin e katërt të realizuar sërish me penallti.
Kjo fitore e ngjit tashmë Kukësin në vendin e parë, me 27 pikë dhe dy më shumë se Laçi e Partizani teksa Teuta renditet në vendin e 7-të, me pesë pikë më pak se kryesuesit. Ndeshjen e radhës, Kukësi e luan ndaj Vllaznisë në Shkodër ndërsa Teuta pret në shtëpi Partizanin.
