TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ministri i Punëve të Jashtme dhe Diasporës i Kosovës, Glauk Konjufca, i ka dërguar një letër zyrtare Përfaqësueses së Lartë të Bashkimit Evropian për Punë të Jashtme dhe Politikë të Sigurisë, Kaja Kallas, lidhur me deklaratat e ministres serbe Snezhana Paunoviç, të cilat i cilësoi si nxitëse dhe të papranueshme.
Përmes një postimi në platformën X, Konjufca theksoi se deklarata e Paunoviçit, e cila u shpreh se, po të ishte në vend të Sllobodan Millosheviçit, do të kishte kryer spastrim etnik në Kosovë gjatë vitit 1998, nuk mund të trajtohet si një gafë e thjeshtë.
Sipas tij, një reagim i qartë dhe i fuqishëm nga Bashkimi Evropian është i domosdoshëm për të rikonfirmuar angazhimin e unionit në parandalimin e krimeve mizore dhe mbrojtjen e vlerave demokratike në rajon.
“I kam shkruar Përfaqësueses së Lartë @kajakallas lidhur me deklaratat e fundit të një ministri të qeverisë serbe që mbështet spastrimin etnik. Mbrojtja e vlerave evropiane kërkon një përgjigje të qartë dhe parimore sa herë që shfaqet retorikë që glorifikon krimet e luftës ose spastrimin etnik”, ka shkruar Konjufca.
I have written to High Representative @kajakallas regarding recent statements by a Serbian government minister advocating ethnic cleansing.
— Glauk Konjufca (@KonjufcaGlauk) July 17, 2026
Upholding European values requires a clear and principled response whenever rhetoric that glorifies war crimes or ethnic cleansing emerges. pic.twitter.com/AYROXFOD7D
