LIFESTYLE, 14 Nëntor 2018, 14:17

Kim Kardashian punëson zjarrfikës privat që t’i mbrojnë shtëpinë 44 milionë euroshe

Tashmë disa ditë zjarrfikësit po luftojnë me zjarret e mëdha që kanë kapluar shtetin amerikan të Kalifornisë.

Shumë personalitete dhe yje botërore të hollivudit kanë humbur shtëpitë dhe vilat e tyre si pasojë e zjarrit.

Megjithatë bukuroshja amerikane me prejardhje armene ka ndërmarrë masat e duhura që mos t’i digjet super vila në Los Angeles.

Kim Kardashian së bashku me bashkëshortin, Kanye West kanë punësuar në ekip privat të zjarrfikëseve që t’i mbrojnë shtëpinë e tyre dhe të fqinjëve nga flakët.

Çifti ka kërkuar që të mos preket dhe të mos digjet vila e tyre që kap vlerat e 44 milionë eurove.