TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Për 5 vite me rradhë, supermodelja Gisele Bundchen dhe aktori Leonardo DiCaprio ishin çifti më “it” i momentit. Kombinimi dhe lidhja e tyre ishte më e përsosur se një skenar filmash. Ajo ishte një engjëll i Victoria’s Secret dhe njëkohësisht modelja më e paguar në botë, status ky që e mbajti për më shumë se një dekade. Ai nga ana tjetër ishte aktori bukurosh më i respektuar në Hollywood e më i dëshiruar nga femrat.
Supermodelja tanimë është e martuar me yllin e NFL, Tom Brady-n prej 10 vitesh. Ndërsa për Leon, lidhja 5 vjeçare me Gisele mbetet më e gjata. Së fundmi, Bunchen ka folur për lidhjen me aktorin dhe arsyen pse marrëdhënia e tyre ndaloi së funksionuari.
Gisele ka thënë se në atë kohë, ajo po punonte shumë por edhe nuk bënte jetë të shëndetshme.
Pa dijeninë e askujt, ajo po luftonte kriza paniku të cilat u bënë aq të theksuara sa pati edhe mendime vetëvrasje. Kjo e shtyu modelen drejt adaptimit të një jetë më të shëndetshme dhe lënien pas të veseve të këqija.
“I thashë jo duhanit, alkoolit, punës me orare të zgjatura. Po bëhesha gjithnjë më e vetëdijshme për gjërat që nuk i doja më në jetën time. Unë isha e vetmja që po kërkoja ndryshime serioze, ndërsa ai qëndroi i njëjtë.”
Çifti i dhanë fund lidhjes së tyre në vitin 2005. Një vit më vonë, Bundchen u njoh me Tom Brady-n në një ‘blind date’, e që atëherë nuk janë ndarë më kurrë.
“E dua burrin tim dhe mbi të gjitha, kam besim te ai. Me Tom-in jam në gjendje të krijoj një shtëpi,” tha Gisele.
