TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Drejtuesi politik i Partisë Demokratike në qarkun e Elbasanit, Gazment Bardhi, njëherazi dhe kryesuesi i listës së kandidatëve të PD në këtë qark, ka vizituar këtë të mërkurë fshatin Floq, në njësinë administrative, Klos të Cërrikut.
Sipas Bardhit, ky fshat është lënë në harresë nga qeveria, pasi është pa rrugë, shkollë, qendër shëndetësore dhe kanale vaditëse.
“Jam i bindur që Kryetari i Bashkisë nuk ka ardhur ndonjëherë këtu. Fondet e subvencioneve kanë shkuar në 5 duar.
Njerëzit, fermerët janë përballur me burokraci e kërkesa pa fund thjesht për t’i penguar.
A mund të thotë dikush, kush ka marrë 1 euro nga fondi 100 milionë euro që ai ( kryeministri Rama) thotë se ka shpërndarë vitin e kaluar.
Nuk duhet të diskutonim sot për rrugë. Duhej të ishin bërë rrugët, dhe subvencionimi do të duhej të funksiononte vetë.
Ne kemi një plan, një zgjidhje konkrete, që secili do të marrë për aq sa prodhon, pa shkresa e letra, vetëm me kartën e identitetit”, tha Bardhi.
Më tej Bardhi i tregoi banorëve vizionin e Partisë demokratike për zonat rurale.
“Ne e kemi prioritet që katër vitet e para të nxjerrim fshatin nga mjerimi. Nuk ka arsye që dikush që banon në fshat të jetë i varfër.
Nëse ju do të keni rrugë, kanale vaditëse, dhe subvencione mbi bazën e prodhimit, ju nuk ja keni nevojën askujt”, u shpreh Bardhi.
