TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Italianët shkojnë sot në votime për zgjedhjet e përgjithshme, pas një fushate përçarëse të dominuar nga shqetësimet mbi emigracionin dhe ekonominë.
Mediat e cilësojnë një garë të paparashikueshme, duke e pasur të vështirë të thuhet se kush do të dalë në krye.
Megjithatë, lëvizja anti-establishment “5 Yjet”, Partia Demokratike në pushtet dhe koalicioni i krahut të djathtë të ish-kryeministrit Silvio Berluskoni kanë parashikuar fitoren.
Por, Berlusconi nuk mund të mbajë asnjë detyrë publike deri në vitin e ardhshëm për shkak të një dënimi për mashtrim të taksave.
Ai ka mbështetur Presidentin e Parlamentit Evropian Antonio Tajani si zgjedhjen e tij për të udhëhequr vendin.
Gjithashtu edhe lëvizja “5 Yjet” ka zgjedhur si kandidat për kryeministër, Luigi di Maio, i cili ka premtuar t’i japi fund “status quo-së” politike.
Në garë është edhe ish-kryeministri Matteo Renzi, i cili kryeson përpjekjen e partisë demokratike të qendrës së majtë dhe pro Bashkimit Europian.
Votimi ka nisur në orën 07:00 dhe do të mbyllet në orën 23:00.
