TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Skuadra e Lacios nuk ka ditur të përfitojë nga gabimi i Milanit përballë Parmës, pasi për vete ka bërë edhe një gafë më të rëndë, duke humbur mundësinë e artë për t’u kthyer protagoniste në luftën për Champions. Ekipi i drejtuar nga Simone Inzagi është mundur në shtëpi me shifrat 1-2 nga Kievo, një ekip i cili kishte rënë nga kategoria që javën e kaluar, por që ka ditur t’i marrë pikë kryeqytetasve.
Ndeshja u ndikua nga kartoni i kuq i Milinkoviç-Saviç që në minutën e 34-t të sfidës, ndërsa Kievo shënoi dy gola të shpejtë me Vinjato e Hetemaj në fillimin e pjesës së dytë. Kaisedo shkurtoi diferencën në minutën e 67 të takimit, por lacialët duket se nuk besonin se mund të arrinin një fitore në këtë duel dhe ishin shumë të paqartë në aksionet e tyre, duke e mbyllur ndeshjen me një humbje të papritur e duke mbetur larg zonës Champions.
Tani Lacio është kaluar edhe nga Torino, që është ngjitur në vendin e 6, ndërsa ka mundur 1-0 Xhenoan dhe e sheh veten vetëm 3 pikë pas Milanit që gjendet në zonën Champions. /vipsport.al/
REZULTATET
Bolonja-Sampdoria 3-0
54’ (ag) Toneli, 69’ Pulgar, 83’ Orsolini
Kaljari-Frozinone 1-0
27’ (p) Zhoao Pedro
Empoli-Spal 2-4
22’ Kaputo, 47’ Traore / 38’ (p), 60’ Petanja, 44’ Flokari, 83’ Antenuçi
Xhenoa-Torino 0-1
58’ Ansaldi
Udineze-Sasuolo 1-1
80’ (ag) Lirola / 31’ Sensi
Lacio-Kievo 1-2
67’ Kaisedo / 49’ Vinjato, 51’ Hetemaj
