TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Sulmohet me breshëri automatiku shtëpia e prindërve të gazetares së News24 Klodiana Lala.
Në një prononcim për TPZ.AL Lala është shprehur se ngjarja ka lidhje me punën e saj si gazetare.
Ngjarja e rëndë është shënuar rreth orës 03:00-04:00 të mëngjesit të sotëm, ku persona ende të paidentifikuar kanë qëlluar me breshëri automatiku në drejtim të banesës së babait të saj. Sic duket edhe në foto, plumbat kanë prekur muret e banesës, si edhe kasën e derës së jashtme te saj, ndërsa në vendngjarje janë gjetur 10 gëzhoja.
Në castin e të shtënave, në banesë ndodheshin familjarët e gazetares Lala, prindërit e saj, vëllai, motra si edhe dy vajzat e saj ndërsa vetë ajo së bashku me bashkëshortin ishin aty deri në orët e vona të mbrëmjes. Fatmirësisht nga të shtënat nuk ka patur të lënduar. Shtëpia e prindërve është si një shtëpi e dytë për gazetaren Klodiana Lala, pasi në pjesën më të madhe të ditës, prindërit e saj mbajnë vajzat e vogla të gazetares.
