TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
FIFA deklaroi se do të ndërmarrë "veprime adekuate" pas incidenteve me karakter racist nga ana e tifozëve hungarezë ndaj lojtarëve të Anglisë.
Anglia fitoi 4-0 ndaj Hungarisë, në kualifikueset e Kupës së Botës "Katar 2022, në ndeshjen e zhvilluar dje në mbrëmje në Budapest.
Sipas gazetës britanike "Daily Mail", tashmë është konfirmuar se FIFA, organi drejtues i futbollit në botë, do të hetojë sjelljen e tifozëve hungarezë - dhe se ata kanë theksuar qëndrimin e tyre për "zero tolerancë".
Në deklaratën e FIFA-s, thuhet midis të tjerash: 'FIFA refuzon me forcë çdo formë racizmi dhe dhune dhe ka një qëndrim shumë të qartë të zero tolerancës ndaj sjelljeve të tilla në futboll'.
Dy lojtarët e Kombëtares angleze, Raheem Sterling dhe Jude Bellingham, ishin në shënjestër të thirrjeve fyese "majmunë" në Budapest, ndërsa Sterling u godit nga një numër gotash plastike, të hedhura nga një pjesë e tifozerisë vendase, pasi "Tre luanët" shënuan golin e parë.
Pas ndeshjes, kryeministri Boris Johnson, trajneri i "Tre Luanëve", Gareth Southgate, dhe lideri i laburistëve, Keir Starmer, u bashkuan në dënimin e tyre ndaj incidenteve, duke i etiketuar ato si "të papranueshme".
Ndeshja Hungari-Angli u vendos në n "listën e kuqe" të hartuar nga FIFA, për shkak të rrezikut të lartë të shpërthimit të abuzimit racist dhe homofobik. Ajo ndjek sjelljen e shëmtuar të disa tifozëve të Hungarisë në Euro 2020, e cila solli edhe dënimin prej tri ndeshjesh pa shikues në stadium.
Ata u urdhëruan të luanin me dyer të mbyllura nga UEFA, pas incidenteve kundër Francës dhe Portugalisë, edhe pse ndeshja e tretë është pezulluar për një periudhë prove prej dy vjetësh. Një gjobë prej 85,000 paund u vendos gjithashtu.
DEKLARATA E FIFA -s
Para së gjithash, FIFA refuzon me forcë çdo formë racizmi dhe dhune dhe ka një qëndrim shumë të qartë të tolerancës zero ndaj sjelljeve të tilla në futboll.
FIFA do të ndërmarrë veprime adekuate sapo të marrë raportet e incidenteve në lidhje me ndeshjen e djeshme Hungari-Angli.
Lidhur me sanksionin e mëparshëm të UEFA -s kundër Hungarisë, ju lutemi vini re se siç përcaktohet nga UEFA në atë kohë, ky sanksion do të shërbejë në kompeticionet e organizuar nga UEFA.
/TPZ.al/
