TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia ka ndërmarrë masat për protestën e tetë të opozitës që është paralajmëruar të mbahet ditën e nesërme në orën 18:00, para Kryeministrisë. Dosja.al mëson se janë angazhuar mbi 1500 efektivë policie, kamera sigurie, dronë, agjentë civilë, dhe autobote për hedhjen e ujit.
Garda e Republikës do të jetë gjithashtu e gatshme për të ndërhyrë në rast se në protestë do të krijohet dhunë.
Gjithashtu mësohet se kamerat e sigurisë janë pastruar dhe shtyllat pranë zoën ku do të mbahet protesta janë lyer me graso për të shmangur ngjitjen e protestuesve.
Dera e Kryeministrisë është pajisur me një mbrojtëse dhe është bërë rrethimi me gardh metalik.
Parashikohet që të bllokohet edhe qarkullimi në rrugën “Ismail Qemali”, “Ibrahim Rugova”, lidhja me bulevardin, ura e Lanës nga ministria e Brendshme deri tek Presidenca.
Kjo është protesta e tetë që do të mbajë opozita kundër qeverisë Rama. Opozita e bashkuar kërkon largimin e qeverisë Rama, ngritjen e një qeverie tranzitore dhe zhvillimin e zgjedhjeve të parakohshme.
