TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri Edi Rama duke komentuar sërisht sot debatin e lindur pas kërkesës së Greqisë për zgjerimin në det me Shqipërinë, i ka kthyer përgjigje presidentit të vendit, që teksa reagoi për këtë çështje, theksoi se do të mbrojë pa asnjë mëdyshje kushtetutën e Shqipërisë.
Sipas Ramës, Presidenti duhet të rrijë i qetë, e para se të flasë të informohet mirë.
“Presidentin e dimë nuk ka nevojë të na e përsërisë, këtë e dimë, ajo që nuk dimë është që në radhë të parë presidenti duhet të informohet mirë e në vend se të thotë për çfarë është, të bëjë atë që duhet të bëjë, e të mos ngatërrojë Kushtetutën e Shqipërisë me të drejtën e detit të Greqisë, që buron nga konventa ndërkombëtare e mos të hedhë fjalë.
Se këtu për fat të mirë të Kushtetutës, Presidneti nuk ka lidhje fare, se nuk hyn Kushtetuta shqiptare në të drejtën e vendit fqinj.
Si kanionet e Skraparit, ka shkëmbinj nga dy anë e në mes rrjedhë ujore, konventa u ka dhënë të dy shkëmbinjve të marrin nga ajo rrjedhë ujore, të marrin milje në mënyrë të barabartë.
Presidenti të jetë shumë i qetë se nuk është rasti për të bërë rafting me kushtetutën dhe një çështje të marrëdhënieve ndërkombëtare dhe të fqinjësisë së mire”- tha Rama.
