TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një grua australiane është dënuar me burgim të përjetshëm, pa asnjë shans për lirim për të paktën 33 vjet, për vrasjen e 3 të afërmve dhe përpjekjen për të vrarë një tjetër, me anë të kërpudhave toksike të gatuara me mish viçi.
E cilësuar edhe si “vrasësja e kërpudhave”, Erin Patterson, aktualisht 50 vjeçe, do të jetë në të 80-at para se të mund të aplikojë për lirim me kusht.
Një gjyqtar i Gjykatës së Lartë tha se krimet e Patterson ishin “kategoria më e keqe” për ofendim dhe përfshinin një “fshehje të hollësishme”.
Patterson vrau vjehrrit e saj, Don dhe Gail Patterson, të dy 70 vjeç, dhe motrën e Gail, Heather Wilkinson, 66 vjeçe, pasi u shërbeu atyre një mish viçi Wellington të helmuar në shtëpinë e saj në Victoria, në vitin 2023.
Burri i Heather-it, Ian Wilkinson, një pastor vendas, i mbijetoi drekës pasi doli nga koma dhe ka probleme të vazhdueshme shëndetësore që lidhen me helmimin, informon BBC.
Patterson pretendoi pafajësinë, duke thënë se ngjarja ishjte aksidentale, pasi nuk e dinte se kërpudhat ishin të helmuara.
Gjatë fjalës së tij në shpalljen e dënimit, gjyqtari Christopher Beale tha se rëndësia e krimeve të Patterson nënkuptonte se ai duhet të vendoste “dënimin maksimal”. Prokurorët kishin argumentuar se nëna e dy fëmijëve duhet të dënohet me burgim të përjetshëm pa mundësi lirimi – dënimi më i ashpër në dispozicion në Australi.
