TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Varianti i ri shqetësues i koronavirusit, i njohur si "Omicron", që është përhapur gjerësisht në Afrikën e Jugut dhe disa vende afrikane, tashmë ka mbërritur në Mbretërinë e Bashkuar, ku janë njoftuar dy raste.
Kryeministri Boris Johnson, ka dalë në një konferencë shtypi, për të njoftuar masat e qeverisë për të ndalur përhapjen e këtij varianti.
Ai lajmëroi se pavarësisht se vaksinat e prodhuara deri tani, nuk përputhen në mënyrë perfekte me variantin e ri, gjithsesi ato ofrojnë një lloj mbrojtje, ndaj Komiteti i Vaksinimit dhe Imunizimit, do të vlerësojë nëse doza e tretë e vaksinës do t'ju jepet më shumë personave dhe më shpejt sesa ishte e parashikuar.
Masat e njoftuara nga Johnson:
1) Të gjithë personat që udhëtojnë drejt Mbretërisë së Bashkuar do të bëjnë testin PCR në ditën e dytë të mbërritjes dhe do të duhet të izolohen derisa të marrin përgjigjen se rezultati është negativ.
2) Të gjithë kontaktet e personave që janë të infektuar me variantin Omicron, do të duhet të izolohen për dhjetë ditë, pavarësisht statusit të tyre të vaksinimit.
3) Maskat ose mbulesat e fytyrës, do të bëhen të detyrueshme në transportin publik dhe brenda dyqaneve.
4) Komiteti i Vaksinimit dhe Imunizimit, do të konsiderojë vaksinimin e më shumë personave me dozën "booster" (doza e tretë) dhe gjithashtu reduktimin e kohës nga doza e dytë në të tretën.
Kryeministri njoftoi se pas tre javësh masat do të rishikohen.