TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti i Koresë së Jugut Yoon Suk-yeol ka shpallur zi kombëtare pas tragjedisë së shkaktuar gjatë festimeve të Halloween-it ku deri më tani numri i viktimave ka shkuar në 151.
Ai shprehu ngushëllimet për familjarët e viktimave dhe uroi shërim të shpejtë për të plagosurit gjatë një deklarate të bërë ditën e sotme përpara se vizitonte vendin ku ndodhi ngjarja.
“Kjo është vërtetë tragjike. Një tragjedi dhe fatkeqësi që nuk duhet të kishte ndodhur pikërisht në zemër të Seulit”, u shpreh ai.
Mediat vendase kanë raportuar se 151 persona janë vrarë nga shtyrja e turmës në një zonë të tejmbushur me njerëz e njohur për jetën e natës të shtunën mbrëma në Seul, ndërkohë që 82 të tjerë janë plagosur.
Choi Seong-beom, shefi i departamentit të zjarrit Yongsan të Seulit, tha se numri i vdekjeve mund të rritet pasi një numër i të plagosurve janë në gjendje kritike.
