TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Protestuesit në Sri Lanka që sulmuan rezidencën zyrtare të presidentit Gotabaya Rajapaksa kanë gjetur miliona rupi brenda rezidencës së tij.
Në rrjetet sociale po shpërndahet një video ku shfaqen protestuesit duke numëruar kartëmonedhat e gjetura.
Paratë e gjetura thuhet se do t’u dorëzoheshin njësive të sigurisë.
Protestuesit të shtunën hynë në rezidencën e Rajapaksa-s në zonën qendrore të sigurisë së lartë Fort të Colombo-s pasi thyen barrikadat dhe kërkuan dorëheqjen e tij teksa vendi po haset me krizën më të rëndë ekonomike në dekadat e fundit.
Ndërkaq, një grup tjetër protestuesish hynë në rezidencën private të kryeministrit Ranil Wickremesinghe dhe i vunë flakën.
Komunikimi i tij i vetëm jashtë që kur protestuesit hynë në qytet ka qenë me kryetaren e parlamentit Mahinda Yapa Abeyëardena, e cila njoftoi të shtunën vonë në mbrëmje se Presidenti do të jepte dorëheqjen të mërkurën. Presidenti Rajapaksa e informoi Kryeparlamentarin për këtë vendim për t’u dorëhequr pasi Abeywardena i shkroi atij duke kërkuar dorëheqjen e tij pas takimit gjithëpartiak të liderëve të mbajtur të shtunën në mbrëmje.
Kryetari do të bëhet ushtrues detyre i Presidentit në mungesë të Presidentit dhe Kryeministrit. Më vonë duhet të ndodhë një zgjedhje mes deputetëve për të zgjedhur një President të ri. Kryeministri Wickremesinghe ka ofruar gjithashtu dorëheqjen.
