TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kremlini e mohon që përparimi i forcave ruse në Ukrainë të ketë ngekur, por thotë se Vladimir Putini urdhëroi ndalimin e sulmit rus për shkak të bisedimeve për negociata.
Gazetari i CNN në Moskë ka cituar një deklaratë të zëdhënësit të Kremlinit, Dmitry Peskov, të shtunën, i cili ka thënë se, Presidenti rus Putin urdhëroi të premten ndalimin e avancimit të ushtrisë ruse në Ukrainë në pritje të negociatave, por operacionet rifilluan pasi qeveria në Kiev dyshohet se refuzoi bisedimet.
“Dje, në pritje të bisedimeve me udhëheqjen ukrainase, komandanti i përgjithshëm, presidenti i Rusisë, urdhëroi një pezullim të avancimit të grupit kryesor të forcave të armatosura ruse në Ukrainë”, tha Peskov në një konferencë me gazetarët.
Ai vazhdoi: “Por në thelb, pasi pala ukrainase refuzoi negociatat, operacioni ushtarak rus rifilloi sot në përputhje me planin.”
Një këshilltar presidencial ukrainas mohoi në orët e para të së shtunës se Ukraina kishte refuzuar të negocionte.
Shefi i zyrës së presidentit ukrainas Volodymyr Zelenskiy, Mikhail Podolyak tha se ishte e pavërtetë dhe se Rusia kishte vendosur “kushte [dhe] kërkesa ultimatume të papranueshme”.
“Ukraina, natyrisht, nuk i refuzoi negociatat. Por pikërisht nga negociatat, të cilat, meqë ra fjala, nuk kanë ndodhur ende. Ukraina dhe presidenti Zelensky heqin dorë kategorikisht nga çdo kusht i papranueshëm ose kërkesë ultimatum nga pala ruse”, tha Podolyak.
