TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Sekretari amerikan i Shtetit, Marco Rubio, bëri të ditur se Shtetet e Bashkuara kanë ndërmjetësuar një kornizë fillestare marrëveshjeje mes Libanit dhe Izraelit, pas katër ditësh negociatash të zhvilluara në Uashington.
Megjithëse përmbajtja e marrëveshjes nuk është bërë ende publike, Rubio theksoi se procesi është vetëm në fazat e para dhe se përpara mbeten negociata të vështira.
"Është vetëm fillimi i procesit," u shpreh ai, duke shtuar se sfidat mbeten të mëdha, por se rëndësia e arritjes së një zgjidhjeje është e padiskutueshme.
Delegacionet e Libanit dhe Izraelit zhvilluan bisedime të ndërmjetësuara nga SHBA-ja nga e marta deri të premten, ndërsa Hezbollah nuk mori pjesë në këto takime.
Pavarësisht përparimit diplomatik, situata në terren mbetet e tensionuar. Luftimet në Liban vazhdojnë të rrezikojnë përpjekjet për konsolidimin e armëpushimit mes Iranit dhe Shteteve të Bashkuara.
Më 17 qershor, Uashingtoni dhe Teherani nënshkruan një memorandum mirëkuptimi me 14 pika, i cili parashikonte ndërprerjen e menjëhershme dhe të përhershme të operacioneve ushtarake në të gjitha frontet, përfshirë edhe Libanin.
Megjithatë, Izraeli vazhdon të mbajë nën kontroll një pjesë të territorit libanez dhe ka kryer sulme edhe pas nënshkrimit të memorandumit. Edhe pse javën e kaluar u arrit një marrëveshje armëpushimi, forcat izraelite mbeten të vendosura në jug të Libanit.
Sipas raportimeve, të enjten tre persona humbën jetën në një sulm në jug të vendit, ndërsa disa banesa u përfshinë nga flakët. Izraeli ka deklaruar se operacionet e tij vazhdojnë të kenë në shënjestër objektiva të lidhura me Hezbollahun.
