TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Forcat Ajrore të Gjermanisë ngritën në ajër dy avionë luftarakë “Eurofighter”, pasi vunë re një avion zbulues rus IL-20M që fluturonte në hapësirën ajrore ndërkombëtare mbi Detin Balltik.
Pas kryerjes së zbulimit vizual, avionët luftarakë gjermanë e shoqëruan aeroplanin derisa iu dorëzua njësive të NATO-s që vepronin nga Suedia.
Sipas Reuters, “Luftwaffe” tha në një deklaratë:
“Edhe një herë, forca e reagimit të shpejtë, me dy Eurofighter, u ngarkua nga NATO për të kapur një avion të paidentifikuar, i cili po fluturonte pa një plan fluturimi dhe pa komunikim radio në hapësirën ajrore ndërkombëtare”.
Ata sqaruan se ishte një avion rus zbulues IL-20M.
“Pas identifikimit vizual, ne ia dorëzuam eskortën e avionit partnerëve tanë suedezë të NATO-s dhe u kthyem në Rostock-Laage”, shtoi deklarata.
Në të njëjtën kohë, Këshilli i Atlantikut të Veriut është planifikuar të takohet nesër të martën për të diskutuar shkeljen e fundit të hapësirës ajrore estoneze nga Rusia, i thanë agjencisë dy burime të informuara.
Incidenti ka të bëjë me tre MiG – 31 rusë, të cilët të premten fluturuan pa leje në territorin estonez për rreth dymbëdhjetë minuta, përpara se të detyroheshin të largoheshin.
