TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
“Gjatë katër ditëve të fundit, përgjigjet ndaj terapive kanë bërë të mundur arritjen e një pasqyre klinike të qëndrueshme, të karakterizuar nga një rikuperim optimal dhe bindës i funksioneve të organeve”.
Kjo është ajo që thuhet në buletinin e ri mjekësor për gjendjen shëndetësore të Silvio Berlusconit, të lëshuar nga spitali San Raffaele në Milano.
Dokumenti u nënshkrua nga profesorët Alberto Zangrillo dhe Fabio Ciceri. Ish-kryeministri italian dhe drejtuesi i Forza Italia ndodhet në spital që prej 5 prillit.
Është java e tretë e shtrimit në spital për Silvio Berlusconin, i cili ndodhet në San Raffaele të Milanos për shkak të pneumonisë si pasojë e leucemisë kronike mielomonocitare që vuan prej disa kohësh. Përditësimi i fundit i lëshuar të premten nga mjekët kryesorë që po e trajtojnë atë, Alberto Zangrillo dhe Fabio Ciceri, tregoi një pamje klinike në "përmirësim të ngadaltë por progresiv".
