TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gjermania kërkon që edhe Bashkimi Europian të nisë shqyrtimin e sanksioneve ndaj kolonëve izraelite të akuzuar për sulme kundër palestinezëve. Berlini përshëndeti vendimin e Shteteve të Bashkuara, e cila vendosi që të mos japë viza për kolonët e dhunshëm izraelitë, shkruajnë mediat e huaja.
“Ne besojmë se është e rëndësishme të avancohet ky debat edhe në nivel evropian. Berlini "po merr pjesë aktive në këto diskutime përpara Këshillit të Punëve të Jashtme të BE-së të hënën”, tha zëdhënësi i Ministrisë së Jashtme Sebastian Fischer në një konferencë për shtyp. Në fillim të nëntorit, kryeministri belg, Alexander De Croo, kërkoi që Bashkimi Evropian të shqyrtonte mundësinë e ndalimit të hyrjes në territorin e tij për disa izraelitë ekstremistë përgjegjës për dhunën kundër palestinezëve.
Shtetet e Bashkuara njoftuan të martën vendosjen e sanksioneve kundër kolonëve hebrenj të akuzuar për sulme kundër palestinezëve, në formën e kufizimeve të vizave.
Duke përshëndetur vendimin amerikan, diplomacia gjermane dënoi edhe një herë zgjerimin e vendbanimeve izraelite në territoret e pushtuara palestineze dhe dhunën e kolonëve kundër komuniteteve palestineze.
"Ne vazhdojmë t'i bëjmë thirrje Izraelit të mbrojë palestinezët nga aktivitetet e kolonëve ekstremistë dhe të kërkojë llogari nga ata që janë përgjegjës," theksoi Fischer, duke e quajtur rritjen e dhunës në Bregun Perëndimor të pushtuar të papranueshme, që nga fillimi i luftës midis Izraeli dhe Hamasi në Rripin e Gazës më 7 tetor.
