TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri izraelit Benjamin Netanyahu deklaroi të premten (18 korrik) gjatë një bisede telefonike me Papa Leoni XIV se Izraeli është afër arritjes së një marrëveshjeje me Hamasin për lirimin e pengjeve izraelite.
Në të njëjtën bisedë, Netanyahu e ftoi Papën për një vizitë zyrtare në Izrael. Papa, nga ana e tij, bëri thirrje për t’i dhënë fund luftës përmes një armëpushimi, duke theksuar se çmimin më të lartë të konfliktit e paguajnë “të sëmurët, të moshuarit dhe fëmijët.”
Ndërkohë, krahu i armatosur i Hamasit, Brigadat Ezedin al-Kasam, ka akuzuar sot Izraelin se po bllokon negociatat në vijim për arritjen e një armëpushimi dhe lirimin e pengjeve nga Rripi i Gazës.
Në një mesazh të regjistruar, zëdhënësi i brigadave, Abu Obeida, deklaroi se Hamasi “ka propozuar vazhdimisht një marrëveshje të plotë që do të mundësonte kthimin e të gjithë pengjeve njëherësh”, por Izraeli “ka refuzuar këtë ofertë.”
Ai e akuzoi Izraelin për qasje të palëkundur dhe të papajtueshme, duke i kërkuar të ndryshojë qëndrim.
Sipas tij, Hamasi nuk do të pranojë në të ardhmen ndonjë armëpushim të përkohshëm, nëse gjatë negociatave aktuale nuk arrihet një marrëveshje për ndalim të plotë të luftimeve.
