TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një investitor i Twitter ka paditur Elon Musk dhe platformën e mediave sociale për ofertën e miliarderit për të blerë kompaninë për 44 miliardë dollarë.
Në padi, ai pretendon se Musk ka shkelur ligjet e korporatave në Kaliforni dhe akuzon pronarin e Tesla “për sjellje të gabuar pasi deklaratat e tij të rreme dhe manipulimi i tregut kanë krijuar kaos në selinë e Twitter në San Francisko”.
Aksionet e Twitter janë rreth 27% më të ulëta se çmimi i ofertës prej 54.20 dollarësh të Musk.
Investitori që paditi Musk është identifikuar si William Heresniak dhe tha se po vepron në emër të të gjithë njerëzve që janë në situatë të ngjashme.
Padia pretendonte se Musk përfitoi financiarisht duke vonuar zbulimin e aksioneve të tij në Twitter dhe planin për t’u bërë anëtar bordi i kompanisë.
Ai pohoi gjithashtu se disa postime në Twitter të Musk, i cili është një përdorues i rregullt i medias sociale ku ka më shumë se 95 milionë ndjekës, ishin “dezinformuese”.
Gjithashtu komentoi edhe postimi e miliarderit në Twitter, i cili deklaroi se do pezullonte ofertën për blerjen e kompanisë për shkak të dyshimeve mbi numrin e llogarive të rreme në median sociale.
Sipas padisë, postimi i 13 majit ishte “një përpjekje për të manipuluar tregun për aksionet e Twitter, pasi Musk kishte dijeni për llogaritë e rreme”.
Ai tha gjithashtu se Musk “dyfishoi” akuzat e tij katër ditë më vonë, duke deklaruar në Twitter se marrëveshja “nuk mund të shkojë përpara”.
Të premten, Frank Bottini, i cili është një nga avokatët që përfaqëson investitorët në Twitter, i tha BBC-së se padia u ngrit pasi Musk “të përçmojë kompaninë që dëshiron ta blejë për 44 miliardë dollarë në një përpjekje për të rinegociuar çmimin e blerjes”.
“Kjo padi synon ta bëjë atë përgjegjës për sjelljen e tij paligjshme”, tha Bottini.
Analistët kanë spekuluar se Musk mund të jetë duke kërkuar mënyra për të ulur ofertën e blerjes ose për t’u larguar nga marrëveshja.
Ai ka bërë disa postime në Twitter ku shprehet i shqetësuar për numrin e llogarive të rreme në rrjetin social.
Musk ka lënë të kuptohet gjithashtu se ai mund të kërkojë të paguajë më pak për Twitter sesa 44 miliardë dollarët e rënë dakord me bordin e kompanisë në mars.
Në një konferencë në fillim të këtij muaji, ai tha se arritja e një marrëveshjeje me një çmim më të ulët “s’është jashtë diskutimit”.
