TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një dron u pa në portin e Konstancës, në bregdetin e Detit të Zi të Rumanisë, mëngjesin e kësaj të premteje. Zona u evakuua menjëherë nga autoritetet, ndërsa disa minuta më vonë, u dëgjua një shpërthim i fuqishëm.
Sipas Ministrisë së Mbrojtjes, nuk pati të lënduar. Droni nuk i përkiste ushtrisë rumune dhe ishte i llojit të përdorur në luftën në Ukrainë. Gjithashtu, nuk ishte përfshirë në stërvitjet e fundit të zhvilluara në Detin e Zi.
Droni ndodhej pranë një doku të përdorur nga Agjencia Rumune për Shpëtimin e Jetës Njerëzore në Det (Arsvom).
Sipas raporteve fillestare të publikuara nga televizioni shtetëror rumun, droni u vetëshkatërrua. Pas shpërthimit, Bukureshti “aktivizoi planin e kuq të ndërhyrjes”.
Incidenti vjen vetëm disa ditë pas një incidenti tjetër serioz në Rumaninë lindore, kur një dron rus Geran-2 u rrëzua në një ndërtesë banimi në Galaçi, duke shkaktuar një shpërthim, një zjarr dhe lëndime të lehta për dy persona.
Pas këtij incidenti, Bukureshti vendosi të mbyllë Konsullatën e Përgjithshme Ruse në Konstancë dhe të dëbojë konsullin e përgjithshëm , duke fajësuar Moskën për incidentin.
