TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Misioni detar “Aspides” duhet të marrë “rolin kryesor” në pastrimin e minave në Ngushticën e Hormuzit “kur kushtet ta lejojnë”.
Ky është propozimi i shërbimit diplomatik i Bashkimit Evropian, si kontribut të BE-së në iniciativën franko-britanike, referuar një dokumenti të parë nga Reuters.
Shërbimi Evropian i Veprimit të Jashtëm (EEAS) tha në një shënim të datës 26 maj se “situata kërkon që BE të ofrojë një kontribut të konsiderueshëm” për një aleancë ad-hoc të udhëhequr nga Franca dhe Mbretëria e Bashkuar, “e cila do të zbatohet sapo kushtet ta lejojnë dhe në distancë nga palët ndërluftuese”.
“Propozohet që kur kushtet ta lejojnë, misioni EUNAVFOR ASPIDES të marrë rolin udhëheqës në pastrimin e minave në Ngushticën e Hormuzit, si kontribut i BE-së në përpjekjet e aleancës ad hoc franko-britanike”.
Shënimi u nda me shtetet anëtare të BE-së. Ndryshimi i mandatit të misionit Aspides do të kërkonte një vendim unanim dhe mbetet e paqartë nëse 27 shtetet anëtare do ta mbështesnin një ndryshim të tillë.
