TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një ngjarje e rëndë ka ndodhur në një lagje të Kajros, ku pas shembjes së një ndërtesë, kanë humbur jetën 4 banorë. Po në këtë zonë, dy muaj më parë u shemb një tjetër ndërtesë, sipas mediave egjiptiane.
Gjithashtu, 5 persona janë plagosur kur ndërtesa katërkatëshe u shemb në lagjen Hadayek al-Koba, një zonë me popullsi të dendur në veri të qendrës së Kajros, raportoi gazeta al-Ahram.
Më 17 korrik , 13 persona, përfshirë të paktën 7 anëtarë të një familjeje, humbën jetën nga shembja e një ndërtese pesëkatëshe në këtë lagje.
Shumë ndërtesa janë shembur vitet e fundit në Egjipt, duke rezultuar në shumë vdekje dhe lëndime, për shkak të vjetërsisë së ndërtesave si dhe mospërputhjes me legjislacionin në nivel urbanistik.
Edhe pse ky lloj shkatërrimi po ndodh në qytete të tjera egjiptiane, situata është veçanërisht alarmante në kryeqytet, qyteti i dytë më i populluar në Afrikë me më shumë se 20 milionë banorë.
