TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Sekretari amerikan i Shtetit Antony Blinken zbarkoi sot në Afrikën e Jugut në një vizitë që synon të kundërshtojë ndikimin rus në kontinent.
Vizita vjen pasi ministri i jashtëm rus Sergei Lavrov ndërmori një turne të gjerë në Afrikë në fund të muajit të kaluar.
Afrika e Jugut ka mbetur neutrale në luftën e Ukrainës, duke refuzuar t’i bashkohet thirrjeve perëndimore për të dënuar Moskën, e cila kishte kundërshtuar aparteidin përpara përfundimit të sundimit të pakicës së bardhë në vitin 1994.
Blinken do të zhvillojë bisedime të hënën me homologun e Afrikës së Jugut Naledi Pandor dhe gjithashtu do të bëjë një njoftim mbi strategjinë e re të qeverisë amerikane për Afrikën.
Sipas autoriteteve të Afrikës së Jugut, Blinkeni dhe Pandor të “diskutojnë zhvillimet e fundit në lidhje me situatën gjeopolitike globale”
Departamenti i Shtetit muajin e kaluar i quajti vendet afrikane “lojtarë gjeostrategjikë dhe partnerë kritikë për çështjet më urgjente të ditëve tona, nga promovimi i një sistemi ndërkombëtar deri te trajtimi i efekteve të ndryshimeve klimatike, pasiguria ushqimore dhe pandemitë globale dhe formimi i teknologjisë sonë dhe të ardhmes ekonomike”.
Blinken, i cili është në udhëtimin e tij të dytë në Afrikë që nga emërimi i tij në fillim të vitit të kaluar, do të vizitojë Republikën Demokratike të Kongos dhe Ruandën.
