TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Dy persona të armatosur kanë vrarë shtatë persona, duke përfshirë një vajzë 12-vjeçare, me armë gjahu dhe pistoleta në një lokal në Brazil pasi humbën dy ndeshje bilardoje radhazi.
Pamjet e kamerave të gjakderdhjes që ndodhi të martën në Sinop City, Mato Grosso, treguan momentin kur një autor që tundte një pistoletë urdhëroi pengjet e tij të rreshtoheshin kundër një muri, ndërsa bashkëpunëtori i tij mori atë që duket të ishte një armë gjahu nga një kamion aty pranë.
Pak çaste më vonë, i armatosuri i dytë kthehet në sallë dhe dyshja fillojnë të qëllojnë me armë shumë afër, duke mos u lënë atyre asnjë shans për të shpëtuar.
Policia tha se sulmuesit, të cilët u identifikuan si Edgar Ricardo de Oliveira, 30 vjeç dhe Ezequias Souza Ribeiro, 27 vjeç, u larguan nga vendi i ngjarjes dhe janë ende në arrati.
Shefi i Policisë Civile, Braulio Junqueira, shpjegoi se Oliveira kishte luajtur një lojë me një prej viktimave të martën në mëngjes dhe kishte humbur rreth 4,000 reai (640 £). Pasdite, ai u kthye me Ezequiel dhe sfidoi burrin për herë të dytë, por humbi përsëri, duke i bërë të pranishmit të qeshin. Poshtërimi dhe refuzimi për të paguar bëri që dyshja të masakrojë pothuajse të gjithë të pranishmit.
