TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ndërsa trupat izraelite po përgatiten për një sulm të mundshëm tokësor, kalimi kufitar midis Gazës dhe Egjiptit vijon të mbetet i mbyllur.
Të hënën e 16 Tetorit, Izraeli konfirmoi se nuk ishte zbatuar një armëpushim në jug të Gazës, ndonëse burimet e sigurisë në Egjipt thanë se ishte arritur një marrëveshje për të lejuar të huajt të dilnin nga enklava e rrethuar palestineze dhe të silleshin ndihma për ta.
Bombardimet e Gazës të sunduar nga Hamasi vazhduan gjatë gjithë natës, ndërsa banorët thonë se ishte goditja më e rëndë deri tani në nëntë ditë konflikti.
Ndërsa një krizë humanitare përfshiu Gazën, dy burime egjiptiane të sigurisë thanë se Izraeli kishte rënë dakord të ndalonte bombardimet e tij në Gazën jugore.
“Kalimi kufitar Rafah i kontrolluar nga Egjipti pritej të rihapte për të lejuar që mbajtësit e pasaportave të huaja të largoheshin”, thanë ata.
Megjithatë, raportet për një armëpushim të përkohshëm në Gazën jugore duket se janë anuluar shpejt nga zyra e kryeministrit izraelit.
Burime të BBC-së në Kajro flasin për një marrëveshje në parim për një armëpushim të përkohshëm. Por duket se ka ende çështje të vështira për t’u zgjidhur.
Egjiptianët e kanë bërë të qartë se nuk do ta hapin kalimin derisa të ketë garanci për sigurinë e stafit të tyre.
Izraeli dëshiron të inspektojë të gjithë kamionët që udhëtojnë në Gaza për t’u siguruar që nuk mbajnë armë.
