TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Vijojnë trazirat në Rusi, pas kryengritjes së armatosur të grupit mercenar rus, Wagner.
Sipas mediave të huaja, kreu i këtij grupi, Yevgeny Prigozhin, pretendon marrjen në zotërim të qytetit të dytë në Rusi, Rostov-on-Don, një qytet relativisht i madh.
Prigozhin thotë se ka kapur “të gjitha objektet ushtarake” në qytetin jugor të Rostov-on-Don.
Njoftimi vjen disa orë pasi ai kërcënoi se do të rrëzonte ministrin e Mbrojtjes Sergei Shoigu.
Presidenti Vladimir Putin tha se kjo ishte “një thikë pas shpine” dhe u zotua të ndëshkojë ata që e kishin “tradhtuar” Rusinë.
Putin pranoi se situata në Rostov mbetet e vështirë, ndërkohë që në Moskë janë futur në fuqi masa të forta sigurie.
Në përgjigjen e tij, Prigozhin tha se trupat e tij ishin “patriotë të atdheut” dhe presidenti Putin ishte “thellësisht i gabuar” kur fliste për tradhti.
Kujtojmë se Grupi Wagner është një ushtri private mercenarësh që ka luftuar përkrah ushtrisë së rregullt ruse në Ukrainë.
