TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Algjeria me Romën mbetet i vetmi kanal diplomatik i hapur me Perëndimin në mbrojtje të aspiratave të sahravitëve, kundër sovranitetit maroken mbi Saharën Perëndimore të njohur nga SHBA-të, Spanja dhe Franca.
Kështu, Algjeri nuk shqipton shumë fjalë kundër “miqve të tij italianë”, por qëndron e bashkuar pas boksieres, Imane Khelif, e cila vuan nga hiperandrogjenizmi dhe që në këtë moment është në qendër të polemikave në Lojërat e Parisit.
Pak orë para ndeshjes me Angela Carinin, Komiteti Olimpik Algjerian kishte denoncuar si “gënjeshtra krejtësisht të padrejta” dhe Federata Kombëtare e Boksit “propagandën e rreme dhe sjelljen imorale ndaj kampiones tonë nga disa media të huaja”.
Ministri i Sportit, Abderrahmane Hammad, e cilësoi në një postim në X si “vajza, motra dhe kampionia jonë. Dënoj ashpër furinë mediatike, viktimë e së cilës ajo është. Imane, e gjithë Algjeria është pas teje”.
Faqja e internetit Algerie360, një media me ndikim në vend, kujtoi mbrëmë se “populli algjerian, në tërësi, ka shprehur solidaritet me boksieren, duke e bërë atë një simbol kundër diskriminimit”.
Duhet kujtuar se Algjeria nuk njeh tranzicionin gjinor, kriminalizon homoseksualitetin dhe qeveriset nga një regjim autoritar, por nga ana tjetër për algjerianët, Imane është grua dhe kjo është e padiskutuar. Në rrjetet sociale kanë postuar foto të saj si fëmijë, një vogëlushe e buzëqeshur.
25 vjeçare, me origjinë nga Tiaret, në Algjerinë veriore, ajo pranoi se kishte luftuar “kundër paragjykimeve të një rajoni konservator, ku gratë nuk mund të bënin boks”.
Për më tepër, ajo vjen nga një familje e varfër: Imane, me sjelljet e saj të mira dhe qetësuese, është kthyer në një mit, një simbol guximi.
Dje, pas ndeshjes, ajo tha: “Falënderoj popullin algjerian. Tani shpresoj të fitoj medaljen e artë”.
Mbështetja për boksieren është maksimale.
Khaled Drareni, përfaqësues në Algjer i Reporterëve pa Kufij, i cili u burgos për 11 muaj për punën e tij si gazetar gjatë protestave të Hirakut, postoi në X: «Një fashist si Salvini do të preferonte Lojërat Olimpike të Hitlerit, të rezervuara ekskluzivisht për të bardhët, në mënyrë të neveritshme tipike për mbrojtësit kolonialistë të pastërtisë racore”.
Për të nënvizuar, një rastësi: pardje, kur çështja tashmë po fryhej, Eni (ndërmarrja e hidrokarbureve italiane) nënshkroi një marrëveshje me Sonatrach dhe Sonelgaz, dy gjigantë publikë të hidrokarbureve në Algjeri, për ndërtimin e një gazsjellësi të ri direkt përmes Sardenjës.
