TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Vullkanet e baltës së Azerbajxhanit janë futur në listën e shtatë mrekullive të botës. Në total, në Azerbajxhan ka rreth 350 vullkane nga 800 vullkane balte ekzistuese në mbarë botën.
Shpërthimi i parë ndodhi rreth 25 milionë vjet më parë. Ndërkohë, origjina e vullkaneve është e ndërlidhur me formimin e kondensatës së naftës dhe gazit dhe në disa zona janë zbuluar depozitat e tyre të pasura. Por, duhet të dini se nuk mund t’u afroheni vullkaneve, sepse janë të rrezikshëm, edhe nëse duken krejtësisht të padëmshëm.
Azerbajxhani sot është i famshëm për faktin se vullkanet e tij të baltës u përfshinë në listën e “Shtatë mrekullive të botës” dhe 23 prej tyre fituan titullin “Park kombëtar”. Proceset e shpërthimeve dhe turbulencave në kratere funksionojnë gjatë gjithë vitit. Lartësia e flakës mund të arrijë deri në 1000 metra mbi vullkan.
Gjeologët kanë arritur në përfundimin se struktura e vullkaneve me baltë të Azerbajxhanit është e ngjashme me sipërfaqet e planetit Mars. Duke vizituar qytetet e Azerbajxhanit, turistët do të mahniten edhe nga vullkanet e baltës. Kur shpërthejnë, papastërtia, lëngjet dhe llava dalin në sipërfaqe, e cila përdoret në mënyrë aktive në kimi, ndërtim, farmakologji dhe madje edhe kozmetologji. Nga ana tjetër nuk është për t’u habitur që balta ka veti medicinale dhe të dobishme në trupin e njeriut, sepse përmban elementë gjurmë të dobishëm si jod, brom, bor, etj, që sigurojnë funksionimin normal të trupit të njeriut.
