TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mediat turke kanë nxjerrë të tjera informacione për mënyrën sesi vepruan dy terroristët që kryen sulmin në ambientet e Industrisë të Haprësirës Ajrore, mesditën e së mërkurës.
Megjithëse qeveria e Erdoganit nuk e ka emëruar zyrtarisht Partinë e Punëtorëve të Kurdistanit (PKK) si organizatën që qëndron pas sulmit terrorist, autoritetet vendase kanë arritur që të dalin në përundim se njëri prej terroristëve, i lindur në vitin 1992, ka qenë anëtar i PKK-së që nga vitit 2016.
Siç raporton Hurryiet, dy autorët para se të kryenin sulmin kishin bërë një vëzhgim të mrië të zonës. Nga pamjet e kapura nga kamerat e sigurisë çifti i terroristëve shiheshin të kapur për dorë jashtë ambienteve të TSUAS.
Çifti i terroristeve disa dite para sulmit
Sipas versionit të paraqitur nga mediat turke, burri ka mbetur i vrarë në një shkëmbim zjarri me personat e sigurimit, ndërsa gruaja ka hedhur veten në erë me granatë kur ka konstatuar se nuk ka mundur t'i shmanget arrestimit.
Fatkeqësisht si pasojë e këtij sulmi mbetën të vdekur 5 persona, ndërsa 22 të tjerë të plagosur. Së fundmi mediat turke kanë publikuar dhe emrat e fotot e viktimave.
Zahide Güçlü, inxhiniere mekanike në TUSAS
Cengiz Coşkun, Menaxher i Kontrollit të Cilësisë në TUSAS
Hüseyin Canmaz, punonjës i TUSAS
Atakan Şahin Erdoğan, oficer sigurie
Murat Arslan, taksisti i cili u vra nga terroristët dhe i morën automjetin me të cilin mbërritën në hyrje të TUSAS.
Inxhinierja mekanike në TUSAS, Zahide Güçlü, ishte nënë e dy fëmijëve. Ajo u vra nga terroristët në momentin që mbërriti në portën e Industrisë të Haprësirës Ajrore për të marrë lulet që i kishte dërguar bashkëshorti për përvjetorin e martesës së tyre.
Sa i përket vjedhjes së taksisë me të cilën terroristët mbërritën në objektet e Industrisë Ajrore, kjo ka ndodhur rreth 45 minuta para sulmit.
Mediat turke bëjnë me dije se në momentin që terroristët kanë hipur në taksinë e Arslanit i kanë thënë atij: “duam të shkojmë në qendër të Ankarasë”.
Në një moment atij iu kërkua që të ndalonte në mënyrë që njëri nga dy terroristët të hidhte cigaren, ndërkohë tjetri e qëlloi. Më pas ata e futën trupin e pajetë të taksistit në bagazh dhe u nisën drejt ambienteve të TUSAS.
“Ata e qëlluan pas shpine”, tha babai i Arslanit, baba i tre fëmijëve.
