BALLKAN, 10 Prill 2024, 12:26

Jorn Rohde: Nëse Lista Serbe thërret për bojkot atëherë duhet që të llogarisë pasojat

Jorn Rohde: Nëse Lista Serbe thërret për bojkot atëherë

Ambasadori gjerman, Jorn Rohde ka thënë se vendimi i Listës Serbe për bojkotimin e procesit të votimit për shkarkim të kryetarëve në veri të vendit nuk është politikë konstruktive.

Në intervistën e dhënë për Radio Televizionin e Kosovës ambasadori u shpreh se kjo i dëmton serbët e asaj pjese. Rohde tha se ka 18 muaj vetëm bojkote dhe se Lista Serbe, pas thirrjes së serishme për bojkot, duhet të përgatitet edhe për pasoja.

“Në një shtet të së drejtës, nëse nuk ke një fuqi që të ndryshosh gjërat, bojkoti është më së paku i nevojshëm. Prandaj, ne i ftojmë të gjithë qytetarët dhe partitë politike në veri që të bëjnë të pamundurën që të marrin pjesë në këtë proces dhe që ta përfundojmë atë. Ne dëshirojmë që të kemi një rezultat që kryetarët e komunave dhe kuvendet komunale të zgjidhen. Kjo do të bëjë të reflektojë shumicën e banorëve atje. Me bojkotimin dhe thirrjen për bojkotim, atëherë kjo shkon komplet në një rrugë tjetër.

Që 18 muaj kemi vetëm bojkote dhe kjo nuk është një politikë konstruktive. Qeveria e Kosovës e ka ofruar një proces demokratik për serbët në veri. Kjo ofertë duhet të pranohet nga serbët. Tani, ne, presim që ata ta pranojnë këtë. Nuk e kuptoj pse nuk duhet që të ndodhë kjo. Lista Serbe nëse thërret për bojkot atëherë duhet që të llogarisë edhe për pasoja”, ka deklaruar ambasadori Rohde.