TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Qeveria e Presidentit Rexhep Tajip Erdogan synon të mbajë zgjedhjet turke në qershor siç ishte planifikuar. Muajin e kaluar, presidenti turk, i cili kërkon të zgjasë sundimin e tij në një dekadë të tretë, shpalli zgjedhjet e parakohshme presidenciale dhe parlamentare në maj.
Sondazhet tregojnë se zgjedhjet do të jenë testi më i madh i Erdoganit për të qëndruar në pushtet pas dy dekadash në krye të vendit.
Disa ditë pas tërmetit të 6 shkurtit që shkaktoi më shumë se 42,000 viktima në Turqi, një zyrtar theksoi se fatkeqësia tregonte “vështirësi” për mbajtjen në kohë të zgjedhjeve.
” Ka shumë gjasa që të arrihet një marrëveshje për të mbajtur zgjedhjet më 18 qershor ,” vuri në dukje një zyrtar qeveritar, duke shtuar se Erdogan dhe aleati i tij nacionalist Devlet Bakhceli do të takohen për të marrë një vendim përfundimtar.
