TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri Albin Kurti refuzoi të pranojë se ka korrupsion brenda strukturave drejtuese të Ministrisë së Industrisë dhe Tregtisë, pas arrestimeve që u kryen aty të premten. Ai dha mbështetje të plotë për ministren Rozeta Hajdari.
“Unë kam besim të plotë në Ministren Rozeta Hajdari dhe në punën e saj. Pas luftës në Ukrainë, kur kishte krizë globale, ministria që ajo drejton, i ka blerë rezervat dhe i ka mbushur depot në një kohë kur të gjithë kufijtë ishin mbyllur e pothuajse të gjitha shtetet kishin ndaluar eksportin”, -tha Kurti.
Kreu i qeverisë sulmoi kundërshtarët në politikë, drejtësi dhe në media se po bëjnë përpjekje për të kthyer në pushtet, sipas tij, ish-sistemin e korruptuar.
“Humbësit i gjeni tek elita e vjetër dhe e korruptuar politike, te gjykatës dhe prokurorë të saj, te mediat e keqpërdoruara pёr mbështetje tё krimit. Edhe pse tё paktë nё numër, përfitimet e tyre kanё qenë shumëmilionëshe, andaj edhe nuk kanë se si mos tё ndihen humbës tё mëdhenj. Përpjekjet e tyre për ta ndryshuar situatën janë në shërbim të planit për ta kthyer ish sistemin e kalbur e tё korruptuar.”, tha ai. Tre zyrtarë të Ministrisë së Industrisë, Ndërmarrësisë dhe Tregtisë u arrestuan më 18 gusht nën akuzën e korrupsionit për abuzime me rezervat shtetërore. Vetë institucioni ka mohuar abuzimet.
