TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Avokatja e Popullit të Shqipërisë, Erinda Ballanca, ka marrë pjesë në forumin e të drejtave LGBT+ në Kopenhagen të Danimarkës.
Zyra e shtypit njofton se ky është eventi më i rëndësishëm "i të drejtave të bashkësisë globale LGBTI+" dhe Ballanca ka folur për sfidat e mbrojtjes së të drejtave të këtij komuniteti në Shqipëri.
"Avokatja e Popullit të Shqipërisë Erinda Ballanca mori pjesë në veprimtaritë e Forumit për të Drejtat e Njeriut i cili zhvillohet prej 17-19 gusht në Kopenhagen të Mbretërisë së Danimarkës.
Kjo konferencë është pjesë e “Copenhagen 2021”, eventi më i rëndësishëm i të drejtave të bashkësisë globale LGBTI+, në të cilin kombinohen WorldPride, Eurogames, një program i zgjeruar artistik e kulturor si dhe forumi historik i të drejtave LGBTI+.
Avokatja e Popullit Ballanca ishte pjesë e panelit “Paqe, dejtësi dhe institucione të forta”, në të cilin mbajti edhe një fjalë mbi zhvillimin e të drejtave të njeriut e specifikisht atyre të komunitetit LGBTI në Shqipëri, sfidat e mbrojtjes së këtyre të drejtave dhe rolit të institucionit të Avokatit të Popullit në këtë drejtim", thuhet në njoftimin zyrtar.
