TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Parma në këto vitet e fundit është kthyer në një nga kundërshtarët e preferuar për Atalantën në Serie A. Skuadra bergamaske u rikthye te fitorja në kampionat duke ruajtur vendin e dytë falë suksesit të thellë në Tardini ndaj Parmës me shifrat 2-5. Fitorja e 7-të në 8 ndeshjet e fundit për skuadrën e Gasperinit ndaj formacionit emilian që është rrëzuar edhe matematikisht në Serie B. Në pjesën e parë Atalanta shënoi vetëm një gol me ukrainasin Malinovsky ndërkohë që talenti Pessina dyfishoi rezultatin në fillimin e pjesës së dytë. Në 15 minutat e fundit të takimit u shënuan dhe plot 5 gola, 3 për Atalantën, 2 nga Muriel dhe një nga Miranchuk dhe 2 për Parmën nga Brunetta dhe Sohm.
Me këtë fitore Atalanta u ngjit në kuotën e 72 pikëve në kampionat. Realizoi për të dytën javë radhazi Mërgim Vojvoda për Torinon dhe sërish pas një asisti të Ansaldit por këtë herë goli i anësorit të përfaqësueses së Kosovës nuk i mjaftoi Torinos për të marrë tre pikët pasi u ndal në një barazim 1-1 nga Verona me Dimarcon që shënoi golin e barazimit vetëm 2 minuta pas finalizimit të Vojvodës. Preku pothuajse mbijetesën Cagliari që triumfoi 1-3 në përballjen direkte ndaj Beneventos duke krijuar një distancë sigurie prej 4 pikësh nga skuadra jugore. Golat Lykogiannis, Pavolettit dhe Joao Pedros në fund bënë të pavlefshëm edhe finalizimin e Lapadulas për skuadrën e Pippo Inzaghit. Mori një fitore me peshë në garën për vendin e 7-të edhe Sassuolo që triumfoi 1-2 në transfertën ndaj Genoas me gola të Raspadorit dhe Berardit.
Pas eliminimit në gjysmëfinalet e Europa League, Roma reagoi fuqishëm në kampionat duke fituar me rezultatin e thellë 5-0 në sfidën shtëpiake ndaj Crotones së vendit të fundit. Me këtë fitore Roma rimori vendin e 7-të që të kualifikon në Europa Conference League, duke zbritur sërish Sassuolon në vendin e 8-të. Golat për skuadrën kryeqytetase u realizuan të gjithë në pjesën e dytë. Borya Mayroal hapi dhe mbylli serinë e golave duke realizuar 2 herë, ndërkohë që dy gola realizoi edhe Lorenzo Pellegrini. Rrugën e rrjetës në këtë fitore të Romës e gjeti edhe mesfushori armen Henrik Mkhitaryan.
