TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia ka dhënë detaje nga ngjarja e ndodhur mesditën e sotme në lagjen “Tom Kola” në Shkodër ku 51-vjeçari Petrit Vuksani, u vra me armë zjarri në banesën e tij.
Aktualisht po hetohet për zbardhjen e kësaj ngjarje ndërkohë që policia ka ngritur disa pika kontrolli për të bërë të mundur kapjen e autorit të dyshuar.
Nga ana tjetër grupi hetimor i drejtuar nga Prokuroria e Shkodrës po vijon punën për sqarimin e rrethanave të kësaj ngjarjeje dhe sigurimin e provave për zbardhjen e saj.
Njoftimi i policisë
Rreth orës 12:15, në lagjen “Tom Kola”, në rrethana ende të paqarta, në banesë, është vrarë me armë zjarri shtetasi P. V., 51 vjeç.
Shërbimet e Policisë dhe grupi hetimor kanë shkuar menjëherë në vendngjarje.
Janë ngritur pika kontrolli dhe po ushtrohet kontroll në zonë për kapjen e autorit të dyshuar.
Grupi hetimor, në drejtimin e Prokurorisë, po vijon punën për sqarimin e rrethanave të ngjarjes, si dhe për sigurimin e çdo prove, me qëllim identifikimin dhe kapjen e autorit.
