TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Avokati Kujtim Cakrani është shprehur se siguria në burgjet shqiptare ka rënë në mënyrë drastike dhe ky sipas tij është një problem i mbartur.
Komentet Cakrani i bëri në Euronews ku tha se burgu i Peqinit ku edhe ndodhi vrasja e të dënuarit Arbën Lleshi, nuk mund të quhet më burg i sigurisë së lartë. Ai tha se Policia e Burgjeve duhet të kthehet në një Polici të pavarur dhe të kualifikuar. Sipas Cakranit, Policia e Burgjeve ka nevojë për një reformim të thellë dhe për rritje të pagave të efektivëve.
“Burgu i Peqinit nuk është një burg i sigurisë së lartë. Ka rënë siguria e lartë në atë burg. Duhet të merremi gjerë me temën e të burgosurve shqiptarë, me mbipopullimin e burgjeve, etj. Ka një problematik të mbartur. Unë duhet të them që duhet marrë seriozisht me Policinë e Burgjeve. Duhet të kthehet në Polici të pavarur dhe të kualifikuar, ku të funksionojë si polici reale dhe jo për qoka politike.
Nëse nuk arrihet reformimi i thellë dhe rritja e pagave të këtyre policëve, do të ketë gjithmonë probleme në burgje. S’ja ka askush borxh që shteti të mos e mbrojë dot personin atje brenda dhe të vritet në mënyrë barbare”, tha Cakrani.
