TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Lë përkohësisht qelinë e paraburgimit në Fushë-Krujë, Ramazan Rraja, nipi i ish-deputetit socialist Rrahman Rraja.
Gazetarja e News24, Klodiana Lala raporton se arsyeja e daljes nga burgu e Rrajës është shëndeti i nënës së tij, që mësohet është përkeqësuar.
Mësohet se Ramazan Rraja është shoqëruar nga forcat speciale dhe qëndrimi i tij ka qenë shumë shkurt, rreth 40 minuta.
Ramazan Rraja ndodhet në burg, për atentatin ndaj ish-prokurorit Arjan Ndoja. Bashkë me të në burg është dhe babai i tij, Xhelal Rraja.
Ramazan Rraja është i dënuar me 6 vite burgim (gjykim i shkurtuar) për atentatin ndaj ish-prokurorit Arjan Ndoj dhe Landi Muharremit (Rumi i Shijakut), ngjarje e ndodhur më 1 nëntor 2019. Në atë atentat mbetën të plagosur Arjan Ndoja dhe Rrumi i Shijakut, kurse fatkeqësisht humbi jetën shoferi i ish-prokurorit, Andi Maloku.
30-vjeçari u arrestua në një lokal në zonën e Fushë-Krujës mbrëmjen e 19 prillit të vitit 2023.
