TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Grabiti me dhunë çantën e një gruaje në rrugë, identifikohet dhe arrestohet 44-vjeçari i dyshuar.
I arrestuari është Ilir Biba, teksa policia shpërndau edhe pamjet e grabitjes, ku autori i veshur sportiv dhe kamufluar me kapuç, sulmoi kalimtaren në një cep rruge duke e shtrirë përtokë dhe marrë me forcë çantën, duke u larguar me vrap.
Policia e Durrësit njoftoi sot (20 mars) se pak orë pas ngjarjes së denoncuar në rrugën "Mujo Ulqinaku", për vjedhjen me dhunë të çantës së dorës së një 54-vjeçareje, organizuan punën hetimore me qëllim zbardhjen e krimit, identifikimin dhe kapjen e autorit.
“Si rezultat i veprimeve të shpejta hetimore, u bë i mundur identifikimi dhe kapja e autorit të dyshuar të vjedhjes, shtetasit I. B., 44 vjeç, banues në Durrës, i cili në përfundim të veprimeve u arrestua për veprën penale "vjedhja me dhunë", njoftoi policia vendore.
Çanta e 54-vjeçares u sekuestrua në cilësinë e provës materiale, kurse hetimet e mëtejshme i kaluan prokurorisë.
